神話傳說故事—洪水傳奇
Sakizaya

u sumamat ,idawu ku kamu nu didu du dademau.
wu canacanan a kakawau,mahidaay wu miadubay,wu malukay,wu milagecay,wu milaisay.mikikugay,mabelecay.a kakawau naming.
kanza a pakasibalucun namin a misalisin,kia masabinan ku nibicemek ami alay du didu.
namahida sadu. madumesdu kunikalukan tu mihcamihcaan, nalihalayantu lemiamiad.kasic satu ku sakizaya amaluk.
namahidan naza dunikaidaw nu duwuduwud, nuwakuwamin nisaizelagan aidau saku nisinsin uuheni.
makasic satu amisalisin bakan du daladuas adu didu.
hidasadu.baudiihe handu nu didu ku sakizaya a dademawu.
maligadu sadu kulemiad amaudad, caay kasadelep kunikaudad, mabalat satu, mahemin malikit ku lubalubaan, away tu kuwumah adu lumalumaan.
kaduwut sadu ku mabelecay nu dademau.
laday handu nu tumuk kia niazuay a minnaulan.taiza i dinluh nu buyu amilaliu. kia caay kaelur kuheni.
harharsadu caayhenay ka sadelep kila udad. binadu alemiad, azihan akaeneppan du kila buyu, acaaydu bakalaliu dina i kaenep nu nanun ku sakizaya sakunisinsin nuheni.
dumes handu nu badaki kuniazu, sakamusadu ku tumuk.samanandu kida amisacukaycukaysa, a bakaynnita inibiinuli du baudibay kia idau kusaka wudip numida.
salemiad sadu amiinuli, idaudu kukamu nu bawudibay satu kumabalaway
awuda usakabahay a kakaenan adu limezdan adadama atu dadayna kusa basadak ami salisin, kia masasae ku balat sakukawan.
curcur handu ni tumuk ku minnaulan a maligadu. usakabahay a sabatahka du didu.
muawuawuwaca du han sananay a dadama adu dadayna, bakacaw han kuheni idabakiay a satabes
cuduh handu nia mabalaway a balikid, azihan mabacukas saza nu balad a dadukus
kinabina mahida, biyalaw saduwamin kia kaduuday
ligalin sadu kia mabalaway amisakamu, Dada malaki kia datusaaysa, cayai kanamuh kia didu saan.
baliun naza du zuma amasakabahay, mahidadu mabacukas nu balad adadukus.
nainaie sadu ku laheci nu kaduuday, ayzasadu magalebaza kuni kadababau nu likid, Yadah sadu ku maelulay.
naidu kunikadinegan nudumuk, silihalau naza kubisin nu mabalaway, hidau handu nida ami sakamu cidumukan
kaidihan nu didu sa wulimecdan adadayna adu kidemuway adadama saan.
idini iniyazu.wuwawa nidumuk ku sabanzalay, a wucidiza kia misulur ku didu, Kia malasawad ku baladsa.
wuwawa nidumuk du dadaynaan, away ku makalisabennay du salugan niza, ukakidaan henaza ku lalab unuluba niza.
kabah kudagah, madinemusakamu banzar hinadihi tukatuuday, wu sakanamuhan nu binaulan.
mahidasadu, naay yamin kubinan nukaduuday, wuwawa nidumuk duyasasabaay akaiin maladay adiya kidemuway adadama, delepsa a mikacau du sadabes
samedek sa kunikakidin nuheni adadusa, madawadu amiliyas dubinaulan
caay henay kasabinan kuni azih nubinaulan, meduk sadu kusadabes amalikid nubalad amiliyas.
nahadiyadu kuni kalalum, dunikadenes amaudad.mazih satu kusaayaway amacidar, Mazihaza sadu kuni kauzib nusakizaya adu likur alekar alemahad.
naidu kutadiihay alemiyad.liyas saduwamin kiya sakizaya duya(kilaya)hananay abuue.
dagasasadu iniyazu. dubuh sadu kuheni amaluk.buwah sadu kuniyazu.salibahak satu ku sakizaya amauzib.

英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容