marekaka katua kiki(kulavav)
Sunthern Paiwan

kasicuayan ,izua za marecekelj, na pualjak tu madrusa a uqaljai. au tiamadju a madrusa a marecekelj na misengsengngan na kisamalja aravac,ljemitaqadav a mavavua kipusaliman .izua ka ita qadav ,ciniyur a mavavua aza madrusa a aljak, aza tja lumamadj a aljak ,pinakataqed i tua sinipakelai tualjauljaung a kasiv a dradrui ,nu ta pacunan na sarenguaq na sekataqed aravac. ka cuacuai anga qadav ,manu meqaca mekudral tia marekaka , sa azua ti tjavulung a aljak ,namadaudav aravac ,aya tua kemeljang aravac tua paleqeleqan tua luljayan na matjaljaljak ,nu maqutjaqutjav a kina kata kama ,macaqu a pusaladj a kisumavan a kiljivak ta kaka.sika rusevalj ta kaka sa vaikan a ma sasav a kivangavang kata ljaqediqedi a kakedriyan.
izua ka makatalj vaik a ma vavua a masengseng aza kina niamadju,au ka uri vaik a kipusaliman a kina, na qivu a pakasangas ta tjavulung a aljak, tu nu maculja ti qunu, keljuanga mavavua a kipakim tjanuaken, naya pazazekatj aza kina .ka i cengceng a kivangavangavang a malevaleva aza kakedriyan ,kimakuda manu qemaung a pasiqaca ti tjaljaljak a kaka, tazua, aza ti tjavulung a kaka mataviq aravac ,sa sevaljen a pakirimurimu a kaka ,tjara maculjang a ku kaka aya kinemenem timadju.pasa vavua kipakim tua kina niamadju, turi patutu ta kaka .ljakua ka mangetjez i vavua tia marekaka,tutuanan kina ti qunu,cuayanga qemauqaung ,tjara namaculjang,ayain aza kina, ljakua salim aken ta kivasa aya za kina ,mayanga ku kivasa mayanga ku kemesa ta cengelj ayaya za kina .ka makakaljavanga ta kina tu manecengelj , tutuanan aya ta kina a kiqaung aza ti tja vulung, ljakua ini kincengelj aken anan aya za kina auta, aza kina alapen a cengelj sa ljevavav ta kasiv sa keman a kisurimadju.ai a culjan nazua marekaka, keman ta amin a ljinulju a nasekakelu a ngicu.
kacuaiyanga manu qadjuqen aza tiamadju a madrusa marekaka ,sa vaiki a matjumaq na kina.azua marekaka ka inikanga mangtjez a kina inikanga mapacun a kina,kemeljang tu sinivericanga tiamadju a madrusa.yamanu kinasuqelamananga men aya tiamadju a marekaka!malap ta sinisevalja ta kaka a sialja sa qecapi tu san palaljen,sipereper niamadju a pasa vavav ta kasiv, manu meqayaqayamanga tiamadju,sa kivalidiyan a ljevava tua puvasan,sa ljevava ljevav a pasa kalevelevan …kemasizua matja tjuzaizaing ta ngangai…ta tjugerui…aya!
aicua masulemanga, iniaka mapacucun aza marekaka, aya za kama a namavarung !kemuda sa mayatucu aicu tjara pasaliv aya za kama! sa puntalj a vaik a cemikel a djemaladjalan a kipakim tua tiamarekaka, manu djumaken tia marekaka,sa ari saumaqi sakamaya ayain na kama a kiqauqaung,ljakua paljeqauqaung a qivu tiamarekaka,tu inikanga makaya cemikel amen aya!ayata na meqayaqayamanga tiamadju!
saka aza kama nu tja kinemenem tja saqetju a varung! pai tazua kadjemaljun i tjumaq aza kama,malap ta suapan sa vesiqeti aza cekelj isauniuni! tua suraman ta cekel nimadju!kumalji ki kicungal a kiqaung aza kina,inika si kalumeljak a vareng na kama tua kisankuya !kavililjanga magalju a siaqan nazua timadju a kina!tazua manu maumalj sa me kiki (kulavav)timadju!aicua milimilingan na pasenalav tjanuitjen a tjaivilivililj tu nu runakuyan itjen,tjara uri kasavaqaran nua timaimanga aya!na mayatucu a susu taicua pinakazuanan na kiki(kulavav).

英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容