Thau a kahiwan a lalawa
Thao

kahiwan Thau a tanatuqash mutusi hudun muribush, qmaqutilh tata wa mapuzipuzi a lhakribush a qnuan numa munai Zintun. Zintun mathuaw maqitan a pruq, numawan mulhkiz sa Thau munai Zintun ininthawan.
kahiwan Zintun a sazum niwan tu palharutaw, naam a Thau a tanatuqash az’az initusi wazaqan a shirshir. Puzi, Barawbaw, Taringquan, Lalu az’az naam a kataunan. Zintun a pruq ianan hudun, ianan sazum, ianan lhmir, ianan bukay, ianan rumafaz, ianan lhkaribush a numanuma, mathuaw lamaqitan a pruq.
kahiwan Shlititun initusi Shtafari a pruq, muqay sa Shlititun matunpiq dai, antu miazai Thau marutarutaw. sa Shlilitun maqa izai Thau itusi Lalu, mabuqnur thaythuy Thau kinatusi Lalu, miaqay mutusi Lalu kmaynataun sa Thau, numawan sa Thau mimbuqnur, numawan sa Thau masa Shlilitun mapathay.
Thau a binanau’az ya aminshinshii mutusi Lalu, mutantuiza mash’uzu, numa fuilh Thau a shinshii a tanatuqash mzai aminshinshii. ya shitantuiza numa amiaqay mash’uzu’uzu shaunataun, numa pulaluiza sa izai faqlhu a shishii.
kahiwan a Thau ya mutusi hudun muribush numa mubuhat, ya mapanduu sa shmashuni isa thithu a tanaduu malhinuna, mzai thaythuy “ata tu usha! parshian!” shmashuni ya malhinuna isa tana’ailhi, mathuaw maqaran sa Thau, numa mzai “pashtay thuini makakalingking dai!”
inai Zitun ianan zain sa Thau fitfit a rumfaz, thithu a kupur miazai sa dishlum, numa mathuaw thithu a wawishwish maquliush, madishlum, mapuzi, mathuaw maqitan riqazan. numa tu kahiwan kaidaa sa Thau, numa kmathu sa apuy pashnara Thau a pinalhalhuiza.
yamin Thau ya mahumhum itia sa shmadia isa mita wa taun a shirshir malhinuna, yamin Thau ianan faqlhu a apiq ma’alah’a mzai alhizaaniza. numa yamin thuini izai shmadia isa mita wa taun a shirshir malhinuna maqitan.
mashtay tatata Thau a taun ianan sa ulalaluan, ulalaluan a qafay pinasai quay tunuun, numa sa qafay a itmaz pianan sa tu tanatuqash a aniamin, piutun a aniamin masa lina numanuma tu tanatuqash a aniamin. numa ya amashumashum sa tu Thau a aki pu’apawin shmumshum. mathuaw sa Thau tunduu sa ulalaluan.
kahiwan ita Thau malhalhuiza sa lhkaribush a pazay, mashtayza palhintazin sa pazay malhuiza. ya turu a furaz tata wa qali a shashanu matinhumhum apudaqu numa apulalu. ya simaq amakalawa sa lhalhaushin, numa ya pinalhalhuiza sa pazay, mashtay sa thau mathuaw matingqaran numa lhmazawan lhmaushin.

英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容