大白羊的故事
Yami(Tao)

No kakoa do pongso namen amiyan so kavavatanen a nimapo do ivatas ,otngeh no kavavatanen am saka soinawan a atlo so ikadwa na avat a rakowa cinedkeran ,ipisa sira am paloasen da vayopa cinedkeran a mangay do itanasay o akai da am nimanrakep so likya malavang a kagling a ratngan da . apiya kakawan no kanang na sira kakowyaten so kawkawden am jingahai so kakteb a araw am makaranes do vanowa jitanasai a micyahekas a ralaen o cinedkeran am tonelem o nitoro niakay da malavang a kagling do vanwa a toneletelem ngocikot do kareyan .todasta a do mata makman sang ,katoda mangahaapan rana jidana niozai o kagling ori . a mipepehpaw a mavitos so mangaaap am aro o niteytawazan da kano sinavat da . mi oli makaranes do pongso rana ,panci da do akai da o panpandan a vazai da jiatas .koan no akai dam makmansang manganako am mapacireng . ipidoa kangai da jivatas a makaranes do vanoa am masta da rakoa kagling tomanek do katapan asyoranaya koan da . tosana mikaigi am rakep sya , cyanatosyakakaptan a rarakoa tao sira am ,tonapisisipasa no rakoa kagling sira , mowli sira do pongso am panci da do akai pipanpandan da nikarakep da so rakoa kagling .micireng rana o akai da am .kokai kanyo manganako ,ala naikeyzaw inyo, noka likey na am nipzenga koya. ala nakakdain yaken so pacyavang ko jinyo sipisa. ikapitlo kangai da am mapalolo o akai da so nipareng na a asa soikalima pananagit a ovid ,makaranes sira do jivatas am pancina no akai da mapokanyo do tokon toyosya amyan ko do teyraem a rakoa kayo amlita giya, inyo lalima am miyan kanyo dosked ko mirattateng am nitoyo no anak na a rakoa kagling am mazikna nimacyow a nimakapya tomivoz a masagit do ovid ni akai da ka lektek na macita da no anak na am tosana miyozozok amrakepsya ka oviovid dasya. vakongen da pilima miyan do avak do itanasai kano do pongso am tona mikehekehep o araw a macimey . koan no akai da am naikinanaet yaten no taodoto takahap so ozong na yangai do pongso anomakmansang am mioli tamo jitanasai mapa seyked so ozog no rakoakag do vanoa da . ori nikapiya no kakaoan rana . makasasnad do pongso am . koan no akes da am kamakong mo keypong ayamarokaw ,micireng rana o akai da am kokai mo ovaiya ,ko ikarokaw am ko jinipalolo o koteykazaya ozong no rakoa kagling .

英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容