SyawWangCe
Sakizaya
u sayaway a nikulitan aku kyuni, enem henay ku mihcaan aku , manamuh tu kaku tu kilakilangan atu bau. pazihen aku ku babalaki tu nikulitan aku, matalaw kamu haw han aku, mitengil aca kuhini i takuwan, u tupal dada’ u canan katalawan sa kuhini, kyu kulit hantu nu maku ku lalabu. sakamu satu ku babalaki i takuwan, amana tu pikulit tu mahiniay u sapihica saw, kabilil minanam tu Ingwen atu Susey atu Tili sa itakuwan, kyu caay kaku kalamikulitay, minanam kaku a paculi tu babelbel, kyu u paculiay kaku tu babelbel.
i ayaw nu enem a mihca, sikawaw kaku i Sahala a likelikenan. mapeci ku babelbel aku, ahicaen saw! aku satu ku mamisakapah. kemet satu kaku i likelikennan, u cila tu pacekilen kaku nu tademaw. sakamu satu kiza wawa “edapen kaku mikulit tu sizi.”sa
nacaay henay kaku pikulit tu sizi, kyu kulit satu kaku tu sayaway a nikulitan aku, tu makazih satu ciniza hini satu, “kai’kaku , kai’ kaku tya i labuay a zo atu bau, u sizi kaydihan aku.” sa. kinapi:na kaku mikulit, kai’ sa ciniza. masakalah kaku a misakapah tu babelbel, sasizuma hantu nu maku a mikulit tu haku, i lalabu ku sizi han aku, hangen satu ciniza. masazumaay kina wawa, tu namahini ci SyawWangCe hantu aku miawaw ciniza.
i zikuz tu matineng tu kaku, namakayzaay i bataday a bunac ci SyawWangCe. kitabakian tu adidi tu uzip niza kiza bunac. hini han aku pasubana’ ku babalaki tu ciniza, inayay ku palatatengaay tu kamu aku. kyu hini hantu nu maku ku taw, namakayzaay ci SyawWangCe i B612 a bunac, i 1909 a mihcaan mazih tu nu tademaw. pakayza sa i sulit a matineng ku babalaki tu hamin nu hekal.
我後來才知道,小王子是從一個很遠的小星球來的,那個星球比他的身體大不了多少。 但是當我這樣跟大人介紹他的時候,沒人相信我說的話。所以我後來都告訴別人,小王子是來自B612小行星,這個小行星是在1909年被觀測到的。 大人們只能從數字來瞭解世界的意義。
mihaymaw ci SyawWangCe tu langaw nu bunacay niza, cacay a demiad, u zumaay a bunac, izaw kya makasicay a tademaw namapawan milisimet tu kilang mahetik ku paenu’. tu sakatalawan satu ku kawaw. yanikulitan aku a sizi, mahamin kanen nya sizi ku paenu’ nu kilang, manamuh ku balucu’ niza, nika mabiyalaw ciniza, hakay a kanen nu sizi ku balu. sakamu satu i takuwan, sicekak ku balu a caay kakan nu sizi haw. inai’ ku lawad aku a misakapah tu babelbel kaku, hini hantu aku. “ adidi ku cekak nu balu a malahica, inai’ ku lawad aku ayza, amana pietel tu kawaw aku.”
malalum ciniza hini satu , “ i tini mamalebut a bunac anu simanamuhay tu balu ya masazumaay a balu, a tanunamuh satu ku balucu’ namakazih tiza bunac. nika anu kanen nu sizi kiza balu, a caay tu kalikat amin ku bunac, adidi ku mahiniay a kawaw sa kisu. kesem sa kaku a mitakec ci SyawWangCean a mihinum i ci nizaan, tu mikulit aca kaku tu sakilaway nu sizi.
ya bunac ni SyawWangCe, si balu. sademidemiad sa miasik ciniza , mipelu’ tu paenu’ nu kilang, milisimet tu lamalay a buyu’. adidi ku lamalay a buyu’ niza, kapah a miciyan tu tiekuk. sansandeb tu tabu hantu niza ku balu tu galasu.
a miliyas tu bunac ciniza, basbasen niza tu nanum ku balu, patabuen niza tu galasu, yu a mumul, “ haymawen” han niza misakumu ku balu. sakamu hantu nu malu ciniza, “ haymawen. amana tabuen kaku, kai’ kaku tabuen. anu maydih kaku a matineng tu adipapang, mihemhem kaku tu nipikacaw niza i uzip aku. caay kaku katalaw tu aadupen, izaw ku sapikalus aku. kalamkamen a mumul han niza ci SyawWangCe, matalaw a mazih tu nikasilusa’ niza.
palatatenga’ kaku i tiza sa nikamulaw nu ayam ci SyawWangCe a tahkal. macaliway niza ku adiadidiay a bunac, malikeluh niza ku cacanan a tademaw.
sayaway a bunac izaw ku cacay a Hungti i labu, kaitini tu kisu mueneng han nu Hungti ciniza. caay paengilen ni SyawWangCe, amumul tu ciniza, pamul hantu nu Hungti ciniza.
sakatusa a bunac simaingtilay a tademaw. u kawili a lima ni SyawWangCe ku sapitibing tu kawanan a lima niza, hang sa ci SyawWangCe, hini satu ci Ingtil , “kukay tu nipakpak isu tu lima, manamuh kaku i tisuwan.”han niza ci SyawWangCe.
sakatulu a bunac izaw ku hali epahay a tademaw, sademidemiad sa amukan, mukan tu epah sakapawanen niza tu kasikazan a kawaw. Zaysa sademidemiad a mukan tu epah sa u kasikazan a kawaw sa ciniza.
sakasepat a bunac simisyubayay a tademaw, sademidemiad sa ciniza misausi miasip tu paysu. sademidemiad sa misausi ciniza tu bunac nu tapuku, u nu maku amin kiza bunac sa ciniza.
sakalima a bunac similikatay tu tinghyu a tademaw. salabilabi sa a milikat ciniza, sananal tu panengen tu niza. adidiay a bunac, kalamkam aca ku nikalineng, cacay a demiad i tiza cacay a sasulitan katanayu’. kyu ngelu’ satu a milikat, a mipaneng.
sakaenem a bunac siTilicya a tademaw. suliten amin niza ku ngangan nu kakitizaan, ngangan nu buyu’ atu sauwac. hini sa ciniza , “ cay pisulit ku Tilicya tu pataluday a kawaw, uyza adada’ cay kasumad a buyu’ atu bayu ku suliten.”makatengil satu ci SyawWangCe sakamu satu, u pataluday ku balu, matalaw ciniza.
sakapitu a bunac. u tabakiay a bunac, itizaay a bunac cacay a lasubu izaw ku sabaw cacay ku Hungti, pitu a malebut ku Tilicya, siwa a bataaan a mang ku miSyubayay, pitu a lasubu a mang ku Sakitalu, tulu a uku ku maingtilay a tademaw, tusa a bataan a uku ku balakiay tu. yu inai’ henay ku dingki, a sepa a bataan izaw ku enem a mang ku mamilikat tu dingki i hekal itiya a takelal tu sansandeb.
yu makatayni ci SyawWangCe i hekal, i likelikenan namalikeluh niza ku bau, sakamu han nya bau ciniza, “ anu mabulah tu kisu tu bunac isu , kapah kaku miedap i tisuan.”
macaliway tu niza ku likelikenan, mazih tu niza ku aenengan nu tademaw. mazih niza ku balubaluan , matawid ciniza maliyuh tu a musakamu. lima a malebut ku langaw nu balu, malecalecad a azihen. mizateng ci SyawWangCe, “ u masazumaay ku balu aku nasa kaku, alaw caay tuay, ya balu aku atu lamalay a buyu’, caay tu ka sakalamahicaay a WangCe kaku.” zateng sa ciniza, bulit satu i lutuk a muangic ciniza.
itawya iniw tu ku kuyu. sakamu hantu ni SyaWangCe, “ awza pacabayen kaku midang, malalum kaku ayza.” sakamu hantu niza kuyu, “kai’kaku pacabay i tisuwan, caay henay kapinuneng kisu, u tatama a wawa dada’ kisu, aku sa u kuyu a dada’. anu manuneng tu kisu, sa u tataytayay tu inai’ tu ku sakatusaay sakaytakuan, a maaaedap kita, aku satu a u tataytayay tu inai’ tu ku sakatusaay sakaytisuanan.”
sakamu hantu ni SyawWangCe, “inai’ tu ku lawad aku, maydih kaku a matineng tu katuuday a cabay.” sakamu hantu nu kuyu, “ ayzaay a tademaw inai’ tu ku lawad a matineng tu cacanan a kawaw, tayza sa kuhini i patiyamay micakay tu tuud. nika i hekal inai’ ku pacakayay tu cabay a patiyamay, kyu inai’ ku cabay nuheni.” sademidemiad sa a zikang miazih ci SyawWangCe tu kuyu, nunenuneng satu ciniza.
yu a malaliyas tu, malaladay aca miazih tu balubaluan , miazih aca aci kuyu tya bala . makazih aca ci SyawWangCe tiza bala, masumad tu ku nipitapal niza. sakamu hantu niza ku balu , “ caay kahiza u bala aku amin , caay henay kamu pinuneng, inai’ henay ku paayaway i tamuan. u bala aku anu cacay aca , a kitabakien amin kamu. pananumen aku, tabuen aku tu galasu, tihtihen aku ku ciekay, satezep sa kaku mitingil tu kamu niza, u bala aku ciniza.
malaliyas tu ci SyawWangCe aci kuyu, hini hantu nu kuyu ciniza, “ haymawen, u tabakiay a tuud, caykazih nu mata, i balucu’en i tiya a mazih. zaysa i tizaen amin numisu ku mata a miazih tu bala nu misu, kyu malasatabakiay tu.
mahamin tu kaku mitengil tu nipakungku ni SyawWangCe, u sakawaluay tu ademiad na mapeci’ ku babelbel aku, mahamin tu nanumen aku ku nanum inai’tu. maladay kami a muculil i likelikenan, a mikilim kami tu tebun. culil sakami, a duut tu ku demiad, a sibunac tu.
daang satu tu tapuku ci SyawWangCe a miazih, sakamu satu , “bangcal ku bunac, zaysa izaw i pabaw ku caykazih ita a balu.” muluung aca ciniza a miazih tu likelikenan, hini satu, “bangcal ku likelikenan, zaysa icuwa a kalimucu’sitebun tu. culil sa kami, takelal tu ku demiad mazih tu niyam ku tebun.
i tawya a sansandeb, u cacay tu a mihcaan tayni ci SyawWangCe i hekal. a maydih tu a taluma’ ciniza, mahiza masasukamu tu ciniz atu bau a azihen aku. u sansandep tu, matineng kaku mumul tu ci SyawWangCe.
enem tu a mihcaan, caay tu pakazih kaku i ci SyawWangCean. mazateng henay nu maku ku sazikuzay a kamu niza, hini sa, “ sansandeb, midaang kisu tu tapuku, i tiza kaku i cacay a bunac, zaysa matawa kaku i labu, mahiza u matawaay amin a bunac ku mazihay nu misu.
makazihay i takuwan a cabay, malemeday kisu taluma’ henay sa amin, nika malalum ku balucu’ aku. ya nikulitan aku tu sakilaway nu sizi ici SywanWangCean, nika mapawan kaku mikulit tu sasiket. kyu a hicaen niza a pakasakilaway ku sizi hakiya. mizateng kaku, makan tu nu sizi kiza balu hakiya? alahicaan mizateng kaku, demidemiad sansandeb patabuen tu ni SyawWangCe tu galasu ku balu, a kapah tu ku nipidiput niza tu sizi. hini sa kaku a muzateng, damsay satu a matawa ku bunac amin i takuan. alahicaan mizateng kaku, anu mapawan ciniza, mapawan ciniza mitabu tu galasu, ahica hantu. hini sa kaku mizateng silusa’ tu amin ku bunac azihen.
u manamuhay ci SyawWangCean a tademaw, i bataday a bunac, izaw ku cay katinengen ita a sizi, akay mukan tu tu bala, anucaay sa cay tu pukan, a masumad tu ku kawaw nu i hekalay caay kalecalecad amin ku kawaw. kapidaangi tu tapuku a miazih, pizatengi, mukan ku sizi tu balu hakiya? hakay haw caay tu pukan tu balu, anu hini sa kisu, a masumad tu ku kawaw caay tu kalecad ku niazihan isu.

英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容/英文版課文內容